പരിശുദ്ധ അമ്മയോട് ചേർന്ന് ഈശോയിലേക്ക്

St. Mary's Community പോർട്ടലിനെക്കുറിച്ച് പറയുകയാണെങ്കിൽ, ഇപ്പോൾ 'ഞങ്ങൾ' എന്നോ 'ഞാൻ' എന്നോ പറയേണ്ടത് എന്ന് അറിയില്ല. ഇങ്ങനെ പറയാൻ കാരണം, ഇത് ഏതെങ്കിലും വ്യക്തിയിൽ ഒതുങ്ങിനിൽക്കാതെ പരിശുദ്ധ അമ്മയുടെ നാമത്തിലുള്ള ഒരു സജീവ കൂട്ടായ്മയായി മാറണം എന്നാണ് ആഗ്രഹം.

ഓരോ ഇടവകയിലും രൂപപ്പെടുന്ന ചെറിയ പ്രാർത്ഥനാ കൂട്ടായ്മകളിലൂടെ 'നാം' എന്ന വലിയൊരു ആത്മീയ കുടുംബമായി ഇത് വളരണം. നമ്മുടെ പ്രധാന നിയോഗം മാതാവിനോടുള്ള ഭക്തി ഈശോയോട് ചേർന്ന് വർദ്ധിപ്പിക്കുക എന്നുള്ളതാണ് — ഒപ്പം മറ്റുള്ളവർക്കായി പ്രാർത്ഥിക്കുവാനും, കാരുണ്യ പ്രവർത്തികളിൽ പങ്കുചേരുവാനും ഒരിടം ഒരുക്കുക.

തുടക്കത്തിൽ മാതാവിന്റെ നാമത്തിലുള്ള പള്ളികളും പരമ്പരാഗത പ്രാർത്ഥനകളും മാത്രമാണ് ഈ വെബ്സൈറ്റ് വഴി നൽകുന്നത്. 2026 ആഗസ്റ്റ് മാസത്തിലാണ് ഈ സംരംഭത്തിന് തുടക്കം കുറിച്ചത്. മാതാവിന്റെ പള്ളികളെയും തിരുനാളുകളെയും കുറിച്ചുള്ള വിവരങ്ങൾ പ്രത്യേകിച്ച് യുവജനങ്ങളിലേക്ക് എത്തിക്കുക എന്നതാണ് ലക്ഷ്യം.